आटपाडी व खानापूर तालुक्यात कोरोना बाधीत रूग्ण आढळून आलेल्या ठिकाणी कंटेनमेंट आराखड्याच्या अंमलबजावणीस सुरूवात
सांगली : आटपाडी तालुक्यात आटपाडी येथील देशमुख गल्ली, मडकेवस्ती गोंदिरा, आंबेबन मळा, महात्मा फुले नगर, चौंडेश्वरी कॉलनी, साठेनगर परिसरामध्ये व खानापूर तालुक्यात विटा येथील कदमवाडा, पाटीलवस्ती व नेहरूनगर, गार्डी येथील पवारवस्ती, नागेवाडी येथे यादवगल्ली व बसस्टॉप तसेच भाळवणी येथे कोरोना बाधीत रूग्ण आढळून आल्याने प्रशासनाने अत्यंत गतीमान हालचाली करत सदर परिसर कंटेनमेंट झोन केला आहे.
तसेच खबरदारीचा उपाय म्हणून कंटेनमेंट झोनच्या परिघाबाहेरील काही परिसर बफर झोन केला आहे. अशी माहिती विटा उपविभागीय दंडाधिकारी संतोष भोर (Vita Sub-Divisional Magistrate Santosh Bhor) यांनी दिली. सदर भागांमध्ये जिल्हादंडाधिकारी कार्यालयाकडून पारित करण्यात आलेल्या सर्व प्रतिबंधात्मक आदेशांची काटेकोर अंमलबजावणी करावी, असे आदेश विटा उपविभागीय दंडाधिकारी संतोष भोर (Vita Sub-Divisional Magistrate Santosh Bhor) यांनी दिले आहेत.
Join Free WhatasApp माणदेश एक्सप्रेस