अल्पवयीन मुलाकडून वडिलांचा खून!




लांजा: १७ वर्षीय मुलाने आपल्या वडिलांच्या डोक्यात लोखंडी हातोडा मारून त्यांचा खून केल्याचे समोर आले आहे. काल रात्री १२.३० च्या सुमारास तालुक्यातील पुनस बौद्धवाडी येथे घडली. याप्रकरणी अल्पवयीन मुलावर लांजा पोलिस ठाण्यात मंगळवारी खुनाचा गुन्हा दाखल करण्यात आला आहे. मुलाने मारलेल्या हातोड्याचा वर्मी घाव बसल्याने गंभीर जखमी झालेल्या रवींद्र रावजी कांबळे यांच्यावर रत्नागिरी जिल्हा शासकीय रुग्णालयात उपचार सुरू असताना मृत्यू झाला. रवींद्र रावजी कांबळे भांडण करून मुलाला वाईट बोलत असायचे व भांडण उकरून काढत असायचे.



सोमवारी २१ मार्च रोजी दुपारी १२.३० वाजण्याच्या सुमारास रविंद्र कांबळे यांनी पत्नी रेशमी हिच्याशी नेहमीप्रमाणे जोरदार भांडण केले. तसेच मुलगा अभिजीत याला देखील तू माझा मुलगा नाहीस असे त्याला हिणवले. याचा राग येवून मुलगा अभिजीत कांबळे याने घरातील लोखंडी हातोडा घेवून वडील रवींद्र कांबळे यांच्या डोक्‍याच्या मागील बाजुला जोरात मारला. यामध्ये ते गंभीर जखमी झाले. यानंतर त्यांना जखमी अवस्थेत रत्नागिरी जिल्हा शासकीय रुग्णालयात गंभीर अवस्थेत दाखल करण्यात आले होते. या घटनेची माहिती मिळाल्यानंतर लांजा पोलिस घटनास्थळी दाखल झाले. याप्रकरणी अभिजीत कांबळे याच्यावर कलम ३०७ प्रमाणे गुन्हा दाखल केला आहे. .

Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Below Post Ad

Featured