मुंबई : सोने आणि चांदीच्या दरात आज पुन्हा वाढ झाली आहे. सोन्याच्या दरात कालच्या तुलनेत आज 600 रुपयांची भाववाढ झाली आहे. 22 कॅरेट सोन्याचा दर हा जवळपास 48 हजार झाला आहे. 24 कॅरेट सोन्याचा दर 52 हजार तीनशे रुपयांच्या पार गेला आहे. 24 कॅरेट सोन्याच्या दरात आज 640 रुपयांची भाववाढ नोंदवण्यात आली आहे. एकीकडे 54 हजारापर्यंत पोहोचलेले सोन्याचे दर हे आता 52 हजारांपर्यंत खाली उतरले असले तरिही आता पुन्हा एकदा सोन्याच्या दरांचा आलेख हा पुन्हा चढत असल्याचे आकडेवारीवरुन दिसून आले आहे. गुडरीटर्न्सने दिलेल्या माहितीनुसार बुधवारच्या तुलनेत गुरुवारी सोने महागले आहे. 22 आणि 24 या दोन्ही कॅरेट सोन्याच्या प्रकरात भाववाढ नोंदवण्यात आली आहे. गेल्या तीन दिवसांत सोने जवळपास हजार रुपयांनी महागले आहे. तर दुसरीकडे चांदीच्या दरातही तेजी पाहायला मिळाली आहे.
महाराष्ट्रातील सोन्याचा दर खालीलप्रमाणे
मुंबई 22 कॅरेट – 47 हजार 950 24 कॅरेट – 52 हजार 310
नाशिक 22 कॅरेट – 48 हजार 50 24 कॅरेट – 52 हजार 350
पुणे 22 कॅरेट – 48 हजार 50 24 कॅरेट – 52 हजार 350
नागपूर 22 कॅरेट – 48 हजार 20 24 कॅरेट – 52 हजार 330
एकीकडे सोन्याचे दर वाढत असतानाच आता चांदीच्या दरांमध्ये मोठी वाढ नोंदवण्यात आली आहे. जवळपास हजार रुपयांची वाढ रुपयांची वाढ चांदीच्या दरात नोंदवण्यात आली आहे. एक किलो चांदीचे दर 68 हजार 500 रुपयांवर पोहोचला आहे. 900 रुपयांची वाढ चांदीच्या दरात नोंदवण्यात आली आहे.
चांदीचे दर खालीलप्रमाणे
मुंबई 68,500
पुणे 68,500
नाशिक 68,500
नागपूर 68,500