बहिणीच्या लग्नाच्या 14 दिवसांनंतर मेहुण्याने भाओजीची केली हत्या!



हरयाणा:  गुरूग्राममध्ये एका तरूणाने आपल्या दोन मित्रांसोबत मिळून आपल्या भाओजीची हत्या केली. आरोपीच्या बहिणीचे लग्न 14 जुलै 2022 ला झाले होते. भाओजी दारू पिऊन पत्नी म्हणजे आरोपीच्या बहिणीला मारहाण करत होता. यावरून नाराज झालेल्या मेहुण्याने भाओजीची हत्या केली. क्राइम ब्रांचने 27 जुलैला हत्येप्रकरणी आरोपीला आणि त्याच्या दोन मित्रांना अटक केली.



याबद्दल अधिक माहिती अशी कि, 14 जुलैला झालेल्या लग्नानंतर चौकीदार म्हणून काम करणारा भूरा दारू पिऊन आपल्या पत्नीला मारहाण करू लागला होता. याची माहिती मेहुणा सुरजीत उर्फ बिट्टूला लागली. त्याने भाओजीला खूप समजावण्याचा प्रयत्न केला. त्यावर भूरा म्हणाला की, 'ती माझी पत्नी आहे, तिला मी कसाही ठेवणार, तुला काय कराचंय'. हे ऐकून सुरजीत आणखी संतापला आणि त्याने दोन मित्रांसोबत मिळून भाओजी भूराची हत्या केली.



दरम्यान, 27 जुलैला रात्री उशीरा भूराची निर्दयीपणे हत्या करण्यात आली होती. आजूबाजूच्या सीसीटीव्ही कॅमेरांच्या मदतीने काही संशयीतांची ओळख पटली. क्राइम यूनिट सेक्टर-40 ने या ब्लाइंड मर्डर केसमध्ये तीन आरोपींना अटक करून या प्रकरणाचा खुलासा केला.



मृत व्यक्तीच्या लग्नाला केवळ 14 दिवस झाले होते. यादरम्यान मेहुण्याने धारदार शस्त्राने भाओजीवर 25 ते 30 वार करत त्याची हत्या केली. क्राइम ब्रांच या प्रकरणाची चौकशी करत आहे.(सौ. लोकमत)


Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Below Post Ad

Featured