ब्रेकिंग: शिवसेनेच्या याचिकांवर ‘या’ तारखेला होणार पुढची सुनावणी!

नवी दिल्ली: शिवसेनेचे ज्येष्ठ नेते एकनाथ शिंदे यांनी ४० आमदारांसह बंड करत भाजपसोबत सरकार स्थापन केले. यानंतर शिवसेना प्रमुख उद्धव ठाकरे आणि शिंदे गटाने सर्वोच्च न्यायालयात याचिका दाखल केली. या याचिकांवर आज सुनावणी झाली. उद्धव ठाकरे गटाच्या वतीने वकील कपिल सिब्बल यांनी युक्तिवाद केला तर शिंदे गटाच्या वतीने वकील हरीश साळवे यांनी युक्तिवाद केला. शिंदे गटाकडून वेळ वाढवून मागण्यात आला होता, आता पुढची सुनावणी १ ऑगस्टला होणार आहे.

हरिश साळवे यांच्याकडून सुप्रीम कोर्टात वेळ मागण्यात आली. कागदपत्रे सादर करण्यासाठी एक आठवड़्याचा वेळ असे सांगितले आहे. त्यावर सुप्रीम कोर्ट आता काय निर्णय घेणार याकडे सगळ्यांचे लक्ष लागले आहे.