पंढरपूर : लैंगिक अत्याचार प्रकरणी मंगळवेढा येथील कारागृहात असलेल्या एका संशयित आरोपीने आत्महत्या केल्याची घटना घडली आहे. ही घटना काल मध्यरात्रीच्या सुमारास मंगळवेढा येथील तहसील कार्यालयाच्या आवारात असलेल्या सब जेलमध्ये घडली.
याबद्दल अधिक माहिती अशी कि, तानाजी शंकर ढिसवे (वय 21 रा. शिरनांदगी ता. मंगळवेढा) असे आत्महत्या केलेल्या संशयित आरोपीचे नाव आहे. याप्रकरणी मंगळवेढा पोलीस ठाण्यात नोंद करण्यात आली आहे. संशयित आरोपी तानाजी याच्यावर लैंगिक अत्याचारासह इतर अनेक गुन्हे दाखल आहेत. याप्रकरणी संशयितास मंगळवेढा न्यायालयाने जामीन नाकारला. त्यामुळे त्याला येथील सब जेलमध्ये ठेवण्यात आले होते.
दरम्यान, काल मध्यरात्रीच्या सुमारास त्याने सब जेलमध्ये आत्महत्या केली.
