रायगड : आज गुरुवारी दुपारच्या सुमारास मुंबई-गोवा महामार्गावर दोन कारमध्ये समोरासमोर धडक झाली. महाड तालुक्यातील टोळ गावच्या हद्दीत हा भीषण अपघात झाला. या अपघातात एकाचा मृत्यू झाला असून चार जण गंभीर जखमी झाले आहेत.
याबद्दल अधिक माहिती अशी कि, आज गुरुवारी महाड परिसरात दोन्ही कार मुंबई-गोवा महामार्गावर भरधाव वेगाने जात असताना एकमेकांना धडकल्या. कारमध्ये प्रवास करणारे नागरिक वडवली, गोरेगाव येथील नागरिक असल्याची माहिती आहे.
दरम्यान, अपघाताची माहिती मिळताच महाड तालुका पोलीस घटनास्थळी पोहोचले. त्यानंतर जखमींना महाड ग्रामिण रुग्णालयात उपचारासाठी दाखल केले.