औरंगाबाद: मुख्यमंत्री एकनाथ शिंदे आज औरंगाबाद दौऱ्यावर आहेत. यावेळी कॅबिनेट मंत्री संदीपान भुमरे यांनी पैठणमध्ये मुख्यमंत्र्याची जाहीर सभा आयोजित केली होती. या सभेत बोलताना मुख्यमंत्र्यानी सुप्रिया सुळे यांनी केलेल्या टीकेला प्रत्युत्तर दिले.
मुख्यमंत्री म्हणाले, ' ताई म्हणातात, अजित दादा सकाळी ६ ला उठून काम करायचे. आधी दादा टीका करायचे आता ताई पण सुरु झाल्या आहेत. टीका करणं विरोधकांचे काम आहे. टीका करणं हा त्यांचा धंदा आहे. अजित पवार ६ ला उठून काम करतात तर हा एकनाथ शिंदे सकाळी ६ पर्यंत करतो आणि ते मी सदैव करत राहणार. शिवाय ताईं २ मुख्यमंत्री हव्या आहेत म्हणाल्या, त्यांना पुर्वीची सवय आहे. त्यावेळी दोन मुख्यमंत्री होते. त्यांचा रिमोट कंट्रोल काढून घेतला आहे. त्यामुळे त्या नाराज आहेत, अशी टोलेबाजी करत मुख्यमंत्र्यानी सुप्रिया सुळे यांच्यावर निशाणा साधला आहे.
