लिव्ह इनमध्ये राहत असलेल्या तरुणाची कटरने गळा चिरून आत्महत्या !



पुणे - धायरी परिसरात शुक्रवारी रात्री दहा वाजण्याच्या सुमारास लिव्ह इन रिलेशनशिप मध्ये राहत असलेल्या तरुणाने स्वतःच्याच हाताने कटरने गळा चिरून घेऊन आत्महत्या केली  आहे. महेश तवंडे असे मृत तरुणाचे नाव आहे.



याबद्दल अधिक माहिती अशी कि, महेश हा मूळचा कोल्हापूर येथील असून तो पुण्यामध्ये ग्राफिक डिझाईनर म्हणून काम करत होता. तो गेल्या वर्षभरापासून त्याच्या मैत्रिणीसोबत धायरी येथे लिव्ह इन रिलेशनशिप मध्ये राहत होता. गणपती उत्सवापासून मैत्रीण बाहेरगावी गेली होती. दरम्यान त्याने शुक्रवारी स्वतःच्याच हाताने गळ्यावर वार केले. घरमालकाला ओरडण्याचा आवाज आला होता परंतु नेहमीच या फ्लॅटमधून भांडणाचा आवाज येत असल्याने त्यांनी याकडे दुर्लक्ष केले. 



दरम्यान, रात्री घरमालकाला संशय आल्याने त्यांनी याबाबत सिंहगड रोड पोलीस ठाण्याला माहिती दिली. माहिती मिळताच सिंहगड रस्ता पोलीस घटनास्थळी दाखल झाले. आतून बंद असलेला फ्लॅटचा दरवाजा तोडला असता महेशचा मृतदेह रक्ताच्या थारोळ्यात पडलेला आढळून आला. पंचनामा करून मृतदेह उत्तरीय तपासणीसाठी ससून रुग्णालयात पाठविण्यात आला असून सिंहगड रस्ता पोलीस या घटनेचा पुढील तपास करीत असून आत्महत्येचे नेमके कारण अद्याप अस्पष्ट आहे.


Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Below Post Ad

Featured