मेष:
मन विचलीत होऊ शकते. जोडीदाराच्या सहकार्याने काम पूर्ण कराल. इच्छा नसताना एखादे काम करावे लागेल. घरातील मोठ्या कामाला गती येईल. मुलांची कृती मनाला लागू शकते.
वृषभ:
ज्येष्ठांचे मार्गदर्शन मोलाचे ठरेल. विकतची दुखणी घेऊ नका. उगाच नसते विचार करू नका. विचार करून निर्णय घ्या. वरिष्ठ अधिकार्यांचे सहकार्य लाभेल.
मिथुन:
सावधगिरी बाळगून कामे करावीत. इतरांचा विश्वास संपादन करावा. कामाच्या ठिकाणी तणाव जाणवेल. दिवसाची सुरुवात उत्तम होईल. प्रयत्नात कसूर करू नका.
कर्क:
आरोग्याची काळजी घ्यावी. छानशौकीपणावर खर्च कराल. दिवसाची सुरुवात मध्यम फलदायी असेल. खर्चावर ताबा ठेवावा. संयम आणि धिराने परिस्थिती हाताळा.
सिंह:
हितशत्रू माघार घेतील. लोकांना योग्य सल्ला द्याल. उद्योगाची स्थिती सुधारेल. वरिष्ठ अधिकार्यांचा पाठिंबा मिळेल. जबाबदारीने काम कराल.
कन्या:
मित्रांचे सहकार्य लाभेल. आक्रमकतेने बोलू नका. मदतीचा हात पुढे कराल. व्यापारी क्षेत्रात प्रगती कराल. आपल्या स्वभावाचा लोक गैरफायदा घेऊ शकतात.
तूळ:
अनेक दिवस वाट पाहत असलेल्या व्यक्तीची गाठ पडेल. हिशोबात चोख राहाल. भागीदारीत सबुरीने घ्यावे. कोणत्याही गोष्टीचा अतिरेक नको. स्पर्धा परीक्षेची तयारी कराल.
वृश्चिक:
मेहनतीचे कौतुक केले जाईल. एकूणच आजचा दिवस संमिश्र राहील. मित्रांचा सल्ला ऐकावा. जास्त मसालेदार पदार्थ खाऊ नका. कामावर लक्ष केन्द्रित करणे गरजेचे.
धनू:
वाहन चालवताना काळजी घ्यावी. रेंगाळलेली कामे मार्गी लागतील. नवीन ओळख मैत्रीत बदलेल. मनातील अनामिक भीती दूर होईल. दुपारनंतर धावपळ करावी लागेल.
मकर:
आध्यात्मिक आवड वाढीस लागेल. विचारांना चांगली दिशा द्याल. चिकाटी व संयम कायम ठेवा. मनात नवीन कल्पना रुजतील. कामे विलंबाने सुरू करू नका.
कुंभ:
स्वत:ला सिद्ध करण्याची संधी मिळू शकते. मनातील संभ्रम दूर करावा. अधिकारी व्यक्तींचे मार्गदर्शन घ्यावे. जोडीदाराचा लाडिक हट्ट पुरवाल. पित्त प्रकृतीत वाढ होऊ शकते.
मीन:
मन विचलीत होणार नाही याची दक्षता घ्या. कौटुंबिक समतोल साधावा. जुने कामे आधी पूर्णत्वास न्या. भागीदारीच्या कामात अधिक वेळ द्यावा. आरोग्याच्या तक्रारींकडे दुर्लक्ष करू नका.