बीड: बीडच्या पाटोदा-मांजरसुभा रोडवरील पाटोदया जवळ स्विफ्ट कार आणि टेम्पोचा अपघात झाला आहे. या अपघातात 6 जणांचा मृत्यू झाला आहे.
याबद्दल अधिक माहिती अशी कि, बीडच्या पाटोदा -मांजरसुभा रोडवरील पाटोदया जवळ बामदळे वस्ती येथे स्विफ्ट डिझायर कार-आयशर टेम्पोचा भीषण अपघात झाला. या अपघातात तब्बल सहा जण जागीच ठार झाले.
दरम्यान, घटनास्थळी पाटोदा पोलीस व सामाजिक कार्यकर्ते दाखल होऊन अपघातातील व्यक्तींना बाहेर काढण्यात आले आहे. तसेच, रस्त्याने प्रवास करणाऱ्या इतर वाहनधारकांनी अपघात झालेल्या दोन्ही गाड्यातील जखमींना बाहेर काढून उपचारासाठी रुग्णालयात हलवले. मात्र या अपघातात 6 जणांचा जागीच मृत्यू झाला.
