तासगाव: नर्स असल्याचे भासवून एका महिलेने येथील डॉ. अंजली पाटील यांच्या दवाखान्यातून एक दिवसाच्या चिमुरड्याचे अपहरण केल्याचा धक्कादायक प्रकार उघडकीस आला आहे. आज सकाळी ८ वाजण्याच्या दरम्यान हा प्रकार घडला.हि घटना सीसीटीव्ही कॅमेरात कैद झाली आहे. याप्रकरणी संबंधित महिलेचा पोलीस शोध घेत आहेत.
याबाबत माहिती अशी कि, येथील सिद्धेश्वर चौकातील डॉअंजली पाटील यांच्या दवाखान्यात एक महिला प्रसूत झाली.आज सकाळी ८ वाजण्याच्या सुमारास एक महिला नर्स असल्याचे भासवून संबंधितांच्या वार्डमध्ये गेली. तेथून एक दिवसाच्या बालकाला घेऊन आपल्या काखेतील bag मध्ये टाकले. या बालकाला घेऊन महिलेने क्षणार्धात पलायन केले. या घटनेने हॉस्पिटलसह शहरामध्ये खळबळ उडाली आहे.