मुंबई : खासदार श्रीकांत शिंदे यांचा एक फोटो राष्ट्रवादीकडून ट्विट करण्यात आला होता. या फोटोमध्ये श्रीकांत शिंदे हे मुख्यमंत्र्यांच्या खुर्चीवर बसले आहेत, असा दावा राष्ट्रवादीच्या वतीने करण्यात आला होता. मात्र आता यावर खासदार श्रीकांत शिंदे यांनी स्पष्टीकरण दिले आहे.
मी खासदार आहे, कुठे बसायचं आणि कुठे नाही हे मला कळतं. हे घरचं ऑफीस आहे, मी ज्या खुर्चीवर बसलो आहे ती माझीच खुर्ची आहे. मात्र माझ्या मागे जो बोर्ड दिसत आहे तो तीथला नाही. माझ्या मागे बोर्ड होता याची मला कल्पना देखील नव्हती, असे स्पष्टीकरण आता श्रीकांत शिंदे यांनी दिले.